Hagnýt ráð og tillögur

Að reyna að stjórna óþægindum sem fylgja höfuðverkjum er erfitt viðfangsefni sem maður þarf að læra til að geta lært að lifa með afleiðingum heilahristingsins. Góður staður til að byrja að hafa stjórn á aðstæðum er að greina og útiloka umhverfislega þætti sem kalla fram höfuðverkina. Það er auðvitað ekki einungis einn þáttur sem kallar fram höfuðverki en þú getur tileinkað þér venjur sem eru fyrirbyggja fyrir höfuðverk. Þú getur einnig gripið til aðgerða til að koma í veg fyrir að höfuðverkur myndist áður en hann tekur við.

Eftirfarandi eru hagnýtar tillögur sem geta aðstoðað:

• Skipulegðu tíma, þótt að það sé einungis 10 mínútur á dag, til að læra að slaka á. Komdu þér fyrir á góðum stað, í þægilegum klæðnaði og æfðu djúpöndun og hugleiðslu. Það eru hjálpleg öpp sem geta aðstoðað eins og t.d. Mindfulness, Calm, Meditate.

• Haltu skrá/dagbók yfir það hvenær þú færð höfuðverki og við hvaða aðstæður. Þ.e. hvenær þeir koma, á hvaða tíma dags, hvaða athafnir eða hreyfingu þú gerðir í kringum þann tíma og aðra hluti sem gætu skipt máli. Prófaðu síðan að gera breytingar á umhverfi þínu þegar þú hefur séð við hvaða aðstæður sérstaklega höfuðverkir myndast, til að reyna að komast hjá því að fara í þær aðstæður. Með því að læra þannig á þá þætti sem eru líklegir til að skapa höfuðverk er hægt að útrýma þáttum sem leiða til höfuðverkja.

• Reyndu að víkja ekki frá venjulegri svefnrútínu. Reyndu að halda þig alltaf við að fara á sofa á sama tíma og vakna á sama tíma. Gerðu þetta þó það virðist vera ómögulegt ef þú ert að vakna oft á nóttunni og færð þar af leiðandi ekki nægan svefn. Þú mátt alls ekki ákveða að leggja þig um daginn því það getur haft mjög slæm áhrif á nætursvefninn og maður festist bara í slæmum vítahring. Ef þú sefur lítið sem ekkert á nóttunni þá er best að reyna sitt besta til að leggja sig ekkert um daginn og vera þá þreytt þegar kemur að svefntíma þínum. 

  • Að komast í svefnrútínu tekur líka langan tíma og því má maður ekki gefast upp strax. Svefn skiptir gríðarlega miklu máli og hefur áhrif á önnur einkenni svo sem höfuðverki, einbeitingarerfiðleika, minniserfiðleika og margt fleira. Því mæli ég virkilega með því að hlusta vel á allar ábendingar sem læknirinn gefur þér varðandi svefnrútínur og svefnvenjur.

• Reyndu að auka erfiðleikastig í loftháðri hreyfingu (aerobic fitness) en haltu þig við “auðveldar” æfingar eins og sund og göngutúra.

• Forðist flúorljós með sterkri birtu og tölvunotkun ef það er möguleiki. Sterk og flöktandi ljós valda streitu á augun sem og andlegu álagi.

• Kælipokar og eða hitapokar geta létt á hausverknum

• Að toga fast í hár þar sem höfuðverkurinn virðist vera staðsettur getur einnig í sumum tilfellum dempað aðeins niður höfuðverkinn og getur verið hjálplegt þegar um mikinn þrýstingshöfuðverk er að ræða.